青豆小说网

第41章（第3页）

淑人低头蹙额而答道：“阿哥末总实概样式。”

韵叟听说。

不胜惊讶道：“替耐定亲倒勿好？”

淑人道：“勿是个勿好，故歇无啥要紧（口宛）。

阿好搭阿哥说一声，（要勿）去定啥亲？”

韵叟察貌揣情，十猜八九，却故意探问道：“故末耐啥意思囗？”

连问几声，淑人说不出口。

韵叟乃以正言晓之，道：“耐（要勿）去搭阿哥说。

照耐年纪是该应定亲个辰光。

耐咿无拨爷娘，生来耐阿哥做主。

定着仔黎篆鸿个囡仵，再要好也无拨。

耐故歇勿说阿哥好，倒说道（要勿）去定啥亲；（要勿）说耐阿哥听见仔要动气，耐就自家想，媒人才到齐，求允行盘才端正好，阿好教阿哥再去回报俚？”

淑人一声儿不言语。

韵叟道：“虽然定亲，大家才要情愿仔末好。

耐再有啥勿称心索性说出来，商量商量倒无啥。

我替耐算计，最要紧是定亲，早点定末早点讨，故末连搭仔周双玉一淘可以讨转去，阿是蛮好？”

淑人听到这里，咽下一口唾沫，俄延一会，又嗫嚅道：“说起个周双玉，先起头就是阿哥代叫几个局，后来也是阿哥同得去吃仔台酒，双玉就问我阿要讨俚。

俚说俚是好人家出身，今年到仔堂子，也不过做仔一节清倌人，先要我说定仔讨俚个末，第二户客人俚勿做哉。

我末倒答应仔俚。”

韵叟道：“耐要讨周双玉，容易得势，倘然讨俚做正夫人，勿成功个囗。

就像陶玉甫，要讨个李漱芳做垫房，到底勿曾讨，（要勿）说是耐哉。”

淑人又低头蹩额了一会，道：“难倒有点间架来浪。

双玉个性子强得野哚，到仔该搭来就算计要赎身，一径搭我说，再要讨仔个人末，俚定归要吃生鸦片烟哚。”

韵叟不禁呵呵笑道：“耐放心，陆里一个倌人勿是实概说嗄？耐末再要去听俚！”

淑人面上虽惭愧，心里甚于急，没奈何又道：“我起先也匆相信，不过双玉勿比得别人，看俚样式倒勿像是瞎说。

倘忙弄出点事体来，终究无啥趣势。”

韵叟连连摇手，道：“啥个事体，我包场末哉，耐放心。”

淑人料知话不投机，多言无益。

适值茶房管家送进茶来，韵叟擎杯相让，呷了一口，淑人即起兴辞。

韵叟一面送，一面嘱道：“我说耐故歇去，就告诉仔双玉，说阿哥要替我定亲。

双玉有啥闲话，才推说阿哥好哉。”

淑人随口唯唯。

两人踅出眠香坞，琪官、瑶官还在门外等候，一同跟下山坡，方才分路。

齐韵叟率琪官、瑶官向西往拜月房栊而去。

朱淑人独自一个向东行来，心想：“韵叟乃出名的‘风流广大教主’，尚不肯成全这美事，如何是好？假使双玉得知，不知要闹到什么田地！”

想来想去，毫无主意，一路踅到箭道中，见向时看跑马的都已散去，志正堂上只有两个管家照看香烛。

请关闭浏览器阅读模式后查看本章节，否则将出现无法翻页或章节内容丢失等现象。